Ich höb ut oeteindelik net euverlaef, ze höbbe mich mit reanimatie en elektrosjokke weer oppe bein gekrege !!! 
Vandaag bön ich al de ganse daag aan ut belle en reize, alle klups van wereldfaam höbbe mich al benaderd sins vanmörge ! Ongeluifelik wie ut belke kent rolle, zoa bösse unne voetballer oet ut 2e dae neet ens meer zien opwachting in ut 1e moog maake, ut angere moment wilt jeder internassioonaale top-3 klup mit un bietje naam mich höbbe..... en det allemoal door die geweldig, fantastische, feenoomienaale, van buitengewone schoonheid zeende gool van mich gister !!! Ongeluifelik is ut geweun !!
Allereerst wil ich natuurlik Martin, den trainert bedanken. Det is de man dae altied in mich geluif haet en mich ondanks alle kritieke geweun jeder waek weer ut vertroewe goof en mich in de basis opsjtelde !! Martin, biej deze bedank doaveur, en es de meugelikheid der is zal ich uuteraard probere dich wie unne Cooky Voorn in mien kielzog mit te numme noa de topklup woo mien keus noa oetgeit !!!
Verder wil ich auch mien medesjpelers bedanke, zonger uch woor ut natuurlik auch allemoal neet meugelik gewaes !!! Unne wereldsjpits is natuurlik afhankelijk van de bel die der van zien tiemgenoote krig !!
Jonges bedank veur de sjoane tied, ich zal uch noait vergaete !!! Ich hoap det geer auch jeder wiekend goat kieke noa de sjport op tilleviezie en mien verdere karrière zoa goat volge !!!
