Gastenboek

Hartstikke leuk det verhôlke van Sjuulke we loge heej in eine deuk, ikmôs geliek aan Look who's talking dinke, haop die twieje nog te zeen op de revue en wat Huur ik no waer, leet ôze groete kameraod in ut ziekenhoes... wins Sjakie hiel vuul baeterschap.

PS.
Ik heb op dees site gekeke en zeen nergens staon wie laat we morge in ut Raodhoes môtte zien.
Wet emes det ???????????????????

Natuurlijk zölle we met z'n alle aan Jac dinke. De mis toch eemus dae essentieel is!
Wies morge allemaol!
Leefs,
Lin (linda veur Jose! :>

Hallo Paula, bin zondaag beej Jac gewaes en ik (weej) zulle zeker aan Sjaakie dinke. Ik zal um misse naeve mich in de riej. We zeen os woensdaag. Groete Ruud

Hallo Allemaol,

Beej deze ein korte meideiling. Ik heb zoas geej weit vuul foto's zitte make. Ut lok mich neet um die allemaol op internet te zette. Daorum wil ik og vraoge, veur diegene die det leuk vinde, um mich eine memoriestik te gaeve (van 2 giegabyte), zoedet ik dao alle fotos op kan zette, veur nop netuurlik!! Gaef dae stik maar ein dezer daag. D'r komme d'r trouwes nog ein paar beej, dus ut kan eventueel auk nao de revue (beveurbeeld met de reunie...)

Groetjes en tot woensdaag,

Harold

Hoi allemaol,

Bin net beej jac Bollen in ut ziekehoes gewaes,hae mot nog daor blieve.Hae haet in idder geval gen pien mier en woensdaag wet hae mier.As de veurstellinge waer beginnen,dinke weej ouk aan Jac,toch?
Ps:Zeg Sjuulke dich meugs nao al meidoon huur,kom maar langs!
Groetjes,

Paula

Deil 2

Maar now ik heej bin vind ik ut bes waal tôf. Ik krieg vuul aandach en meistal op tiëd te aete. Sôms deurt det efkes en dan schiét ik gewoën de bôks vol (mam neump mich al kakmedam KG), of ik zet 'nne kael op; dan môsse mich ens huure; waere pap en mam lekker zenuwachtig van....lache man...
Wie dan auk, ik bin toch bliej det ik d'r bin. Det kump auk door alle leuke en werme reacties van de minse van de revue; waat ein kaarte en attenties!!! Danke, danke! Ik heb nog niks gedaon en toch al zoëvuul aandach! Ech vet huur!
Och jao, det meus ik nog efkes van mam zegge; met eur geit ut auk good, maar d'n dokter vindt ut baeter as ze nog efkes oetrös. Dees waek kin ze dus nog neet meidoon met de revue, maar misschien waal lets volgende waek.
Ik kin neet wachte um ôch te zeen; ik verheug mich d'r now al op. Vuul leefs en tot later!

Groetjes, Sjuulke

ps; ik wil waal neet det dae Wiejwater mich geit naat sprietse met ziene pleejbôrstel...

Leef minse van de Bliërickse revue,

Deil 1
Meug ik mich efkes veurstelle; ik bin Sjuulke. Geej kint mich waal, maar toch auk weer neet; ik zoot nl. 9 maond in d'n boék van mien mam Ingrid. Ik heb ôch allemaol waal gehuurd; ik heb ôch liedjes huure zinge euver roëzeblaedjes en Bliericks blood en nog van alles. Ik vônd ut waal kikke um van binnenoët zoë stiekum alles mei te kriege. Aaf en toe moos ik zoë hard lache det ik d'r de hik van kreeg. Dan zei mam: "'t heat de hik". Jao duhhhh.... Sôms veulde ik ein vraemde hand op d'n boék van mam, det veulde bes waal good, lekker werm. Zoë good det ik gaar neet weg woel dao. Ut beveel mich prima. Maar ja, aan alles kump ein ind, dus zien ze mich 2 waeke naodet de heur waas opgezag maar kômme haole; op 8 november dus. Ik vônde det gaar neet fijn en weigerde dan auk alle meiwerking. (Mam neumde mich al eigewies nog veur ik gebaore waas.) Toen hebbe ze mich maar met unne keizersnee op dees waereld gezat. Dao kôs ik netuurlik neet taegenop.
Laes deil 2 in ut volgende berich...

Hoi minsse,
Nog ein paar daag en dan geit ut weer gebeure.
Leuk um ôg allemaol weer te zeen.En vergaet ôgge Poezie neet.Ut zoel hendig zien as geej der unne stikker op doot wae der al allemaol in haet geschreve, dan haove we neet zoe te blajere .
Groetjes en tot woensdaag
José

Hoi Mirthe,

Heb det al ein paar kier gedaon,dus ik gaon d´r dan gewoën mei daor,good?
Toi toi toi!

Paula

Hallo allemaol!

Al gezeen det d'r twiej liedjes van de Blierickse Revue in de top 15 van Venlo staon? Ge kint allemaol og stum oetbringe op www.omroepvenlo.nl
Aan de linker kant kint ge dan aanklikke : "Stem voor de Venlose 15".
Dao kint ge og stum elke week oetbringe!

Ut zoej natuurlijk fantastisch zien as dees twiej liedjes d'r in blieve staon!

Ut is ein kleine meujte, maar wal alvas bedank!

Groetjes,
Mirthe

- Webhosting vanaf € 1,95 - Wordpress in een handomdraai - Telefonisch bereikbaar - Gratis verhuisservice

Klik hier en begin

-20+ jaar ervaring -Grootste aanbieder van Nederland -Gratis SEO-check

Klik hier voor gratis en vrijblijvend advies